شوفو صلاتكم صح او غلط!!!

اكبر غلط انك تشوف شخص يصلّي بشكل خاطئ وهو ما يدري وتسكت !!

كلنا اكيد نعرف نصلّي ولله الحمد .. لكن فيه اشياء غلط نسويها ونحسبها صح !!
::
وحكيي اليوم عن اخطاء صلاة بعض النساء سواءاً فردية او جماعه

وممكن تكون الاخطاء موجودة عند الرجال برضو

ان شاء الله الكل يستفيد

::

الاشياء اللي رح اذكرها معظمها اساسية ل صحة الصلاة ولا تقبل الا فيها !!

وفيه بعض الاشياء سنّة عن النبي يجوز تركها مع ان القيام بها اصحّ واتم للصلاة

ورح ابيّن لكم وش الواجب ووش السنة ووش البدعة مع الطرح

(1)

( واجب )

اكيد كلنا نلبس عباية وطرحة في المسجد .. لكن الغلط انك تنزلين عباتك على كتوفك !!

المفروض تكون عباتك ع راسك وما تبيّن تحديد كتوفك !

وبرضو يدينك ورجولك المفروووض ماتبين ابد ابد

يعني الشي الوحيد اللي يظهر منك وقت الصلاة هو وجهك فقققققط

ابن جبرين رحمه الله قال

والأصل أن الرجال يجعلونها في الكتفين في الصلاة وخارج الصلاة، وأن المرأة تجعلها فوق رأسها حتى تستر الرأس والأكتاف وتستر اليدين والرجلين كلها،

::
يعني عباتك او جلالك بالبيت .. المفروض يكونون واسعين وطوال كفاية انهم يغطون يدينك ورجولك
واذا ما حصل ل رجولك .. ما يمنع انك تلبسين شرابات تستر

2)

( واجب )

كثير كثير اشوف حريم بالسوق او بمكان عام اذا جوا يصلون وموجود بالمكان رجال .. يكشفون !!
عسى ماشر ؟!
والا الصلاة تبيح كشف الوجه للرجال ؟!!

عزيزاتي .. كشف الوجه في الصلاة شي جائز ولا يجب ع المراة انها تغطيه
وهنا بسسسسس اذا كانت بمكان مافيه رجال موب محارم لها

اذا كان فيه ف لازم تغطي وجهها !!
الدنيا سايبة !

واللي تقول انها تلبس نقاب وما يجوز الصلاة فيه .. ؟!
ليه يعني النقاب نجس ؟!
اسمعوا بن جبرين ش يقول ؟

اقتباس:
يجوز صلاة المراة في النقاب . وإن كان الأفضل للمرأة أن تكشف وجهها في الصلاة إذا لم يكن عندها أجانب من غير المحارم والنساء، فإن المرأة في الصلاة كلها عورة إلا وجهها، فإذا سترت جميع بدنها، وكشفت وجهها فإنها تصح صلاتها، وإن احتاجت إلى ستر وجهها لوجود غير المحارم سترت وجهها -سواء بالنقاب أو بالخمار.

(3)

( بدعة )

بعض الحريم اذا نبهتيها ان شعرها باين وهي تصلي .. تقوم وتعيد صلاتها !!!
اذا انتي مادريتي .. ان شاء الله صلاتك مقبولة .. ليه تعيدينها ؟
واذا حسيتي وانتي تصلين ان شعرك او رجلك طالعين .. بس غطيهم وانتي تصلين وانتهينا !!
يجوز ترى الحركة بالصلاة !!

ولما سئل الشيخ ابن جبرين الله يرحمه عن اعادة الصلاة بهالحالة قال :

اقتباس:
لا تعيدها إذا لم تعلم بذلك إلا بعد انتهائها من الصلاة، وإن علمت بذلك فى أثناء الصلاة سترت ما بدا منها واستمرت فى الصلاة ولا تبطل الصلاة إلا إذا تعمدت إظهار شىء من جسدها غير وجهها، وقد عرف بأن المرأة عورة كلها إلا وجهها فى الصلاة مع أنه يلزمها ستره إذا كان حولها رجال أجانب، ويلزمها ستر يديها ورجليها فى الصلاة لو كانت فى مكان خال سواء كانت الصلاة فريضة أو نافلة . والله أعلم.

(4)

( نصيحة )

عباتك اللي تصلّين فيها .. انتبهي لاختيارك
يعني لو لبستي عباية كرستال وشك والوان وحالة هالشي راجع لك وانتي وقناعتك لكن انتبهي من اللي يشوفك
فيه حريم ثانيات معاك بالمسجد وممكن تعجبهم عباتك ويشترون مثلها والله اعلم وين يلبسونها وتصيرين تاخذين اثمهم كل مرة يلبسونها فيها .. وانتي بس جايه تصلّين وتعبدين ربك !!

حتى انا .. اذا رحت السوق الحين ومريت محل العبايات اقول ايه هذي شفتها ع وحدة معاي بالمسجد وممكن اضعف واشتريها لأني شفتها عليك واعجبتني !!

عباية سادة ساترة احسن لك ولهم

طيب الحين لبسنا وتسترنا باقي علينا الشي القوي وهو الصفة حقة الصلاة وكيفيتها والاخطاء المهولة اللي تصير فيها !!

(5)

( واجب )

اذا كبّرتي للإحرام ( اللي هي اول تكبيره للصلاة ) .. لازم لازم ترفعين يدينك الين تصير بمستوى اذنك
وتجهرين بشكل خفيف بالصوت

(6)

( واجب )

اذا جيتي تركعين لازم يكون ظهرك بشكل متساوي .. يعني ظهرك ورجولك مسوين زاوية قائمة
مثل كذا :

::

وكثير اشوف حريم ينحنون مرررة او بس يميلون ظهورهم اسم ركوع فقط !!

::

و ( السنة ) انك تمسكين مفصل الركبة بكفوفك كأنك كذا قابضة عليهم

(7)

( بدعة )

كذا مرة اشوف حريم بالسجود تكون اكواعهم لاصقة بالارض !!

غلط ترى !!
المفروض يكون سجودك تاااام اذا كفوفك بسسس هي اللي تلامس الارض

واكواعك مرفوعين فوق وقريبين من جسمك

لأني اشوف الحريم يضايقون بعض ويتحمسون وتصير اكواعم بعيدة عنهم وتصير تدخل في وجه

اللي بجنبها !!

هذي صورة لقيتها تبين الوضعية الصحيحة للسجود :

(

( سنّة )

اذا جيتي تجلسين للتشهد كلنا عارفين ان قدمك اليمنى تكون منتصبة واليسرى تكون مفروشة وانتي جالسة عليها
مثل كذا :

::

لكن ب التشهّد الاخير اللي قبل التسليم خلاص .. ثبت عن النبي انه كان يجلس كذا :

بحيث ان ( المؤخرة ) تصير تلامس الارض ولا تكون جالس ع اليسرى خلاص

يعني رجلك اليسرى تكون تحت فخوذك واليمنى مرفوعة مثل الصورة

<< مدري اذا عرفت اشرح بس الصورة ترى واضحة

(9)

( واجب )

اذا قرأ الامام الفاتحة لكنك ما قدرت سمعها ... يجب عليك قراءتها بنفسك ولا يكفيك قراءته لها لأنك ما سمعته
لأن الفاتحة ركن من اركان الصلاة لا تقوم ولا تصح ولا تكمل الا فيها ومن دونها تكون الصلاة بااااااطلة

من كتبا الألباني في صفة صلاة النبي جاء هالسطر :

اقتباس:
ويجب على المقتدي أن يقرأها وراء الإمام في السرية والجهرية أيضاً , إن لم يسمع قراءة الإمام

واقدر انوّه هنا مع اتوقع الكل يدري ان قولك ( بسم الله الرحمن الرحيم ) واااااااااااااااااااجب مع

الفاتحة لأنها اية تابعة لها

واذا قرأت الفاتحة بدون التسميه كأنك حذفت اية منها وما كملت السورة !!

(10)

( سنة )

واخيراً دعاء مسسستحب ورائع تختمون فيها صلواتكم ويكون قبل التسليم الأخير :

( اللهم اني اعوذ بك من عذاب القبر ومن عذاب جهنم ومن فتنة المحيا والممات ومن فتنة المسح الدجال )
وعشان تتذكرونه زززين :

تعوّذ من عذابين: القبر + جهنم
وتعوذ من فتنتين : المحيا والممات + المسيح الدجال

وهنا موقع فتاوى شاملة للشيخ ابن جبرين رحمه الله رائع ومصنّف بشكل مرتب وسهل :

http://ibn-jebreen.com/index.php

وبكذا أكون خلّصت موضوعي البسيـــــط جداً لكنه مرة مهمممم

وان شاء الله اللي يقرأه ويكتشف انه كان ع غلط بأي شي منهم انه يصحح صلاته
والله يتقبل منا ومنكم ياكريم

رآآآئع برووعتك غآآليتي

أثآآبك الله وإيآآنآ كل خييير

جعلهآ من موآآزين حسنآآتك

لرووحك الطآهرة~ >>> شوفو صلاتكم صح او غلط!!! 203959

روعه مشكوره اختي ماقصرتي ومنك نستفيد ياعلاتي شوفو صلاتكم صح او غلط!!! RRQ50749

كل الشكرعلى مرووركم الجميل
ربي يسلمكم ويعافيكم
تقبلو احترامي وتقديري
مودتي

» شوفو وبس
» وااااو شوفو وبس ما بتكلم ~~
» شوفو فن الرسم على الحجر
» شوفو الشياكة عل اصولها
» ياناس شوفو فضيحه قلب