فَآصْلةْ
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 البدو والمنتديات

اذهب الى الأسفل 
كاتب الموضوعرسالة
صغيرة بس خطيررة
سوبر فاصلة
avatar

my mood :
sms ّّ~~""من جن بالحب فهو عاقل
و من جن بغيره فهو مجنون ""~~
mms :
انثى
عدد المساهمات : 2261
نقاط : 2325
تاريخ التسجيل : 26/07/2010
العمر : 25
الموقع : في هل الدنيا الحقيررررة

مُساهمةموضوع: البدو والمنتديات   الأربعاء نوفمبر 17, 2010 3:13 pm

اليوم بتكلم عن موضوع خطير اللى هو :


[ البدو والمنتديات ]




^
^


^
^




البدوي أذا تطور وتطور وتطور ووصل قمة التطور وخلآص محد قده فالدنيا ,, وش يسوي .!!!


يشتري لآب توب وبعدين يكلم صاحبه اللى تطور قبله بكم يوم يسوي له أيميل !!!! <~ ليه ايميل بالذات ؟؟
عشان يعطيه البنات والعيال <~ كشخه لآغير


واذا زبط له صديقه ايميل وخلص وتمت المهمه وش يسوي !!


يسجل بقيمزر وبعدين يا أنه يعيش باقي حياته في قيمزر ,


ويكون حلمه الوحيد : الوصول للمئوية الآولى <~ ليه ؟؟ عشان يقدر يكون مخفي


وتستمر باقي حياته فالقيمزر ..

*
*
*
وفي يوم من الإيام لعب مع بنت هالبدوي اللى على نياته
وقالت له : ممكن ادعوك للمنتدى حقي
البدوي : ممكن تأمرين آمر <~ يتميلح والا هو ماعمره سمع بمنتدى


يروح المنتدى وتسجله البنت وكل شيء ويسلك طريقين :


1/ يعرف لنظام المنتدى ويبدع فيه <<~~ رآآح نرجع لذا .


2/ يفشل ويسحب نفسه ويستمر في قيمزر كالعادة .


اللى يعرف لنظام المنتدى ويفهم شويات فالمنتديات ويتعلم وش يسوي !


يتهور ثمن يتهور ثم يتهور ,,


ويفتح منتدى ويشد حيله ويتعرف على كذا بنت من قبل فالمنتدى اللى تطور فيه ويسوي لها دعوة لمنتداه ..


ويجمع عيال حارتهم ويسجلهم ويطورهم شوي شوي


وبعدين يقطون قطة جماعية ويحولون المنتدى لقوقل <~ الله يعين قوقل


وبعدين تبدأ علوم البدو فالظهور في قوقل


تجي تسجل معهم أول شيء تنزل لك موضوع فالترحيب تطلع تجي بعد ربع ساعه


تلآقيهم مجتمعين كلهم عندك وجايبين القهوةوالفناجيل والعلوم والتمر


وحياك الله في بيتك ومن ذا الخرابيط ,


وربي تحسه بيت شعر أو خيمةشعبية مو منتدى


<<<~ أنا مسجل فمنتدى الترحيب عند اغلبهم قهوة وفناجيل وتمر وهياط وهياط وهياط


تلآقي قسم الترحيب كله العجم حق التمر والنوى والفناجيل طايحه في كل مكان


بعد ماتتقهوى وتعين خير يحلفون عليك بالعشاء


ياليل ثم يجونك لملفك الشخصي وتلآقيهم مجتمعين كلهم هناك


ويسولفون على رأسك الين تنام .!


كيف حالك ياذيبان ؟



حياك الله أخوي البيت بيتك .! <~ تراه منتدى لآبوكم لآبو من جمعكم


ومن وين الآخو ؟!


وش علومك وكيف احوالك ؟


<~ كنهم يعرفونك من زمان


واذا غبت يومين بس ورجعت .. ليلك طووووووووووووووويل مع التنبيهات


عشرين طعششش تنبيه كلها


سلآمات ورآك طولت الغيبة
وينك يالاخو غائب من زمان
الدله والقهوة جاهزة تلاقيها قدامك



والآ النخل والغنم تلآقي صورها في التواقيع وفي كل مكان فالمنتدى


ولآيحاولون يسوون مثقفين وتكلمون عربي والا لهجة شوي فصيحة


أقسسم بالله انواع النكت


يازينهم بس على نياتهم



تلآقي اللغة شوي عربية شوي تقلب لهجة غريبة من الأساس فبكذا تعرف قبيلته وقبيلة سابع جد له

والمدير شيء شيء ثاني

كل شيء عاد الإ المدير يكون أحد شيئين :

1/
ثقييييييييييييييييييل مايتكلم الا كلمتين فاليوم ويخلص رصيده

أذا سألته ورآك ماتسولف معنا قال مشغول فالمنتدى ازبط واسوي
لآبوك لآبو هياطك يالنصاب تزبط وش ؟
منتدى خيمة تضحك على من ياعمي


2/ مررررره فلآآآآآآآآآآآآآوي بس يضحك ماعنده رد غير >> هههههههههههههههههه<< بس
وتقول له كيف حالك قال : ههههههههههههه

العن المصاخه اللى فرأسك
على باله بيحبونه الأعضاء ويتعرفون عليه ومايتركون منتداه

وخذ هياط اصلي عندهم

الأخ الكبير:
المدير
أخوه: نائب المدير
ولد عمه : مراقب
ولد خاله : مشرف
اللى سوى له الإيميل في بداية الحلقه مسؤول التطوير والدعم الفني <~ مأخذين مقلب فيه

والأعضاء عاد الله لآيوريك انواع الشتات والضياع

تلاقي كل مواضيعهم عن الأمطار والسيول والاخبار والضحك والوناسه والالعاب

المنتدى الادبي
فيه موضوعين او ثلأثه واللى منزلها بنات دلوعات

وتلاقي اذا عندهم واحد يعرف للمنتدى وفشخ المواضيع ويعرف للشعر تلآقيه الكبير عندهم فالادبية والثقافية ..

والمهايطي الكبير فالحب , مواضيعه كلها حب ورمان وفصفص

وضاحك عليهم أنا اعرف فلانه وفلانه وفلانه وهم مجتمعين عليه تكفى خذ وحده وخل الباقيات لنا
<<~ توزيع زكاة ياشباب صفوا سرى وكل واحد يأخذ نصيبه
وياشين لآجات عندهم بنت تعرف تصمم والا تسوي توقيع ..

عاد هالبنت اول ماتصل تكشخ تسوي تصميم والا توقيع وتقول لهم تصميمي

روح شوف الردود بسسسس

أنواع التناحه والتميلح والمدح وهم مايعرفون وش السالفه وانواع التقييم لها

<~ اغلب الردود على تصميمها نسخ ولصق !! <~ ايه الردود

وعاد هي ماتصدق عمرها ويكبر رأسها
روح شيك على رسائل الخاص عشرين الف طلب

الرساله الآولى :
تكفين يابنت الاجواد ابغى تصميم على ذوقك
الثانية :أختي في الأسلآم طلبتك طلب قولي تم ,, ابغى توقيع وصوره <~ مايخلي الطلب في رساله ثانية
الثالث :بالله ابغى توقيع ياشيخه ياطويلة العمر الله يخليك لآمك وابوك وحبيبك <<~ شحآآآآد اصلي

اسبوع تطلع البنت وتنسحب والا تقعد تتشرط عليهم وتأخذ مركز مرموق فالمنتدى وممكن تصير نائبة المدير اذا صممت له توقيع

اذا لقيت عندهم قسم مدونات ياحليلهم تموت ضحك وربي
المدونة الآولى :
عن الغنم والأبل وانواع الحيوانات البرية الاليفه ومن المح والصور والصقوره وغيرها من الهياط الامنتهى .

المدونة الثانية :
كلها خربشات وشخاميط وسوالف بايخه ومضاربات ويكتب اغلب اسماء الاعضاء اللى معه كنه يقول نعرف بعض .

الثالثة :حب وحنان وفراق وبكاء وهجران كلها تجميع تايواني وغير ترتيب ولاشيء
ماتدري تحوس بتفكيرك هو يحب والا يكره حبيبته والا مغدور والا مقهور والا شنو سالفة سابع جده
وهكذا وهكذا << زي مدونـتي

بعدين فيه العاب حلوه مثل ناس وناس
او اهدي بيت شعر للي بعدك

مطاردة للبنت بسس تكتب حرف يجي سبعين واحد ورآها يعلق المنتدى ويسون له صيانة وهم ينتظرون متى يفتح عشان يردون عليها تحدي الشغلة صارت
وكلهم بدهم يتعرفون عليها

$
$
$
$
انتـهى ..

وأذا فيه بدو هنا ياحبي لكم ~<~ شكلي بنطق طق

ولآآحد يزعل مني شيء هذا الواقع اللى اشوفه يمكن زودت شويات

~
~
~,, برايفيت ,,~

اللى عصب يسوي تقييم
واللى ضحك يسوي تقييم
واللى يشوف مالى داعي ويشوف اني غبي يسوي تقييم بمشاركة لآتعجبه
ونتقبل كل شيء منكم ..
ودي وحبي لكم
باي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البدو والمنتديات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
».[فَآصْلةْ ].«  :: ».[ دجَ ــهـ الترفيَّهيـہ ].« :: װ..مـَوآضِيعْ مْضحِكه|₪-
انتقل الى: