لاتعتذر ....

زائر

!.....لا تعتــــذر .....!

لاتعـتـذر مــا عــاد تنفـعـك الاعــذار

وعــذرك اعـرفـه قـبـل لـيـه تـذيـعـه

ما صار صـار ولا نبـي نشعـل النـار

ومن باعني برخيص برخيص ابيعه

ياكم سمحت امـرار وامـرار وامـرار

مـيـر التطـبـع مــا يغـلـب الطبـيـعـه

واليوم قبل انشدك واقول وش صار

بـبــدل دروب الــوصــل بالقـطـيـعـه

ارحل وسرك بحفظه ضمن الاسـرار

والسـر عـهـد وطبعـنـا مــا نشيـعـه

وان داربــك الـوقـت والـوقــت دوار

وضاقت بك دروب الحيـاه الوسيعـه

فزبن علـى مـن جـاك ينقـل للاخبـار

وتعرف وش معنى السيوف البريعه

مـا كـل سيفـاً سـل يــا هـيـه بـتـار

ولا كــل مــن ودٌع يحـفـظ الوديـعـه

ولا كـل مـن خيـر علـى شـي يحتـار

ولا كـل مـن شـال الحمـل يستطيعـه

الناس يابن النـاس فـي كـل الاقطـار

ماهـي سـوى فالفـكـر ولا فالطبيـعـه

وانا مـا دور منك تبــرير واعـــذار

لـن العفــو من شيمتي واستطيعـه

لكن لي فالـوقت( قيمـه ومقــدار )

ومن باعني برخيص برخيص ابيعه

.. وسلامتكم جميع ..