مليت من صبري وتعبن الاقلام

زائر

مليت من صبري وتعب(ن) الاقـلام
ولا عاد باقي فـي خيالـي شريـده

هذي هي الحاله من اشهور وايـام
لا جيت ابسجل حـروف القصيـده

اليوم عيٌد هاجسي بعـد مـا صـام
وقامت تراسلـي بيـوت النشيـده

اكتب على شان الغلا حـب وهيـام
مااكتب على شان انتشر بالجريـده

يومـن غيـري وده يحطـم ارقـام
في كل يومن لـه قصيـده جديـده

يشكي من الفرقى ويشكي من خصام
ماجـرب الفرقـى ولا لـه فقيـده

وانا انتظر ردت حبيبي مـن العـام
واقـول ياربـي علـيـا تعـيـده

اللي خذا تاج الحسن شرق(ن) وشام
واللي جمع كل الصفـات الحميـده

تاج الحسن دايم يجينـي بالاحـلام
والحلـم دون مواجـه مـا نريـده

يالله ياللي فارض(ن) دين الاسـلام
ياواحـد(ن) دايـم رؤوف بعبيـده

انـك تـرد الزيـن وتعـود الايـام
وعقب النكد اعيش قصـه سعيـده

وسلامتكم

» مليت من شكلي الحزين ..